في انتظار نيران صديقه

لا بقي بجد كده كتييييير قوي يقي مش هينفع مش كفايه المناظر الي بنشوفها كل يوم من

اطفال ابرياء وبنقول هنعمل ايه يعني مافيش حاجه في ايدينا لا بقي في كتير كتير

انا نفسي عم محروس الضبع يخشن كده ونتلكك باي حاجه حتي لو كانت صغيره جدا زي

دووووووووول
خد عندك

ان الطيران الاسرائيلي خرم وخرء والمجال الجوي بتاعنا وضرب جنود مصريين..

.. ومنازل في العريش بتفكر تنهارو قصف للمناطق

الحدوديه علي ارضينا.

طيب تخيل لو اي طياره ورق حتي طارت من مصر والحبل كان طويل شويه وسرحت

علطول هيئفشوها ويضربوها و هتلاقي بمبه ضربت الطياره

ويقولولك ده دفاع الي ضد المجال الجوي بتاعنا واسفين علي ذلك

طائرات إسرائيلية تحلق فوق الأراضي المصرية لقصف غزة

إصابة 5 عسكريين مصريين بقصف إسرائيلى

وكمان ان مثلا مثلا يعني يقول ان القضاء العادل والديمقراطي في بلدي كتر خيرو حكم بمنع

تصدير الغاز لاسرائيل وانا من حكم موقعي بشجع الديمقراطيه وبحترم القضاء


احنا الي عملنا في نفسنا كده الله يخرب بيت اتفاقيه كامب ديفيد الي هتخلينا ناخد علي قفانه كده ونسكت

وبمقتضى معاهدة السلام الموقعة بين مصر واسرائيل عام 1979 لإسرائيل الحق في تحليق طائرات قتالية لغاية الحدود الدولية بينما لا يمكن للطائرات القتالية المصرية التحليق شرقي
منطقة تغطي بالكاد الثلث الغربي من شبه جزيرة سيناء





احنا معانا الف والف حجه نشفي غليل الشعب المصري والعربي والفلسطيني بالاخص

بس انا بقي لو سمعت تصريح من نوع
نيران صديقه وسامخوني خبيبي ماكنش قصدي وغير مقصوده وكانو هيضربو نار علينيا والكلام ده

يبقي محدش يستنغرب او لقيتو اف 16 معديه من ميدان التحرير وتبقي شكرا مصر !!!!!!م

أبسولوتلي.. إحنا اللي أثرنا على الأزمة

مش عارف بجد هوا احنا اقنصادنا جامد قوي كده لدرجه ان الازمه أبسولوتلي مش هاتأثلر علينا ولا احنا اصلا ماوصلناش لمرحله ان في حاجه تأثر علينا لان اقتصادنا محلي بس ومالوش اي فسوه دوليه وعالميه
مو عارف مو خابر

اصل كل التصريحات كانت من النوع ده
السيد المسؤول : يؤكد قدرة النظام المصرفي على امتصاص الأزمة المالية العالمية الدوليه الامريكيه المريخيه الشمسيه القمريه واقتصاد مصر لن يتاثر بالازمه الماليه أبسولوتلي

اكيد تصريحات المسؤل تصريحات حقيقية وواقعية فعلا مصر لن يتأثر اقتصادها بالأزمة المالية العالمية لأن مصر لايوجد بها نظام اقتصادي من اساسه .. يعنى كده وخلاص

السيد مسؤول المالية يتقمس شخصيه االيمبي خلال تصريحاته ال يبيقول فيها احنا لازم نستغل الازمه الماليه العالمية الدوليه الامريكيه المريخيه الشمسيه القمريه لصالحنا مش ناقص غير انه يقول إوعوا تفتكروا إن الأزمة أثرت علينا.. أبسولوتلي.. إحنا اللي أثرنا على الأزمة
اشطه ...فل .

صباح الخير ياسينا

صباح الخير ياسينا
..
في الأولة
قلنا جايين لك ... وجينا لك
ولا تهنا ولا نسينا !!
والتانية
قلنا ولا رملاية في رمالك
عن القول والله ماسهينا!!
والتالتة
أنتي حملي وأنا حمالك..
صباح الخير ياسينا
وصباح الخير ياسينا
رسيتي في مراسينا
تعالي في حضننا الدافي
ضمينا وبوسينا ياسينا
****
مين اللي قال كنت بعيدة عني
وأنتي اللي ساكنة في سواد النني..؟
مش سهل ع الشبان
يسهو عن الأوطان
ورسيت مراسينا
على رملة شط سينا
قلنا يهون علينا
دا أول الشطآن
***
في الأولة قلنا
والتانية سرنا
والتالتة
طرنا وحطينا ع الرملة
قالوا الحياة غالية
قلنا الوطن أغلى!!
بلادي يا بلادي
يا عيون قمر الربيع
أندهي يا بلادي
يجاوبك الجميع
قلتي : "الله ياولادي"
قلنا : بلادي بلادي
يا عيون قمر الربيع
إندهي يا بلادي
يجاوبك الجميع
***
عاشق أنا
والحي ده حبي
أول كلامي
أهني الشعب وأحيي
أغني عن أمي
وعن دما .. حبي
وأنا ساعة العشق
مين يعرف يقول زيي
صباح الخير ...
***
وصباح الخير ياسينا
رسيتي في مراسينا
تعالي في حضننا الدافي
ضمينا وبوسينا
يا سينا
...
شعر : عبد الرحمن الابنودي
غناء : عبد الحليم حافظ
اللحان : كمال الطوي

اسكندريه ماريا

اسكندريه ماريا

هفضل عاشق كل موجه من اجمل بحرشفته بعيني
طول عمر احب اجيلك وحبك اكيد مش عند حد غيري
نمشو علي كورنيشك تلاقي الواحد عمرو ما يفكر في غيرك
وترام مانساش لونه اصفر و ازرق ماشي في كل مكان
ده علامه عندك يا حبيبتي عليها يحسدوكي في كل زمان
من بحري لجليم لا ابو قير جوك وكورنيشك مالهمش مثيل
الدنيا تشتي ماهما تشتي مش بردان ولا دفيان بس احساس جميل

ليالي الشتاء

ما أجمل ليالي الشتاء
ما أجمل ليالي الشتاء والبرد يتسلل من بين جوانب غرفتي ...إن أراه ...
ها هوا يقترب مني ويمليء الغرفة برائحة البرد ..... يا لها من بروده قد نالت مني

واني أريد ان تبقي معي قليلا تأنس وحدتي في جوف الليل

, يا لها من نسمه برد قد جاءت إلي ولم ترضى أن تتركني وحيدا بين جوانب غرفتي في ظلمات ليلي
,...فهنيئا إلي فأني الان لست وحيدا بل مع صديق ورفيق الشتاء والليل الدامس ......
سألت نفسي ماذا الان عن فنجان شاي دافيء يجالسنا ...
هل ستتركني وحيدا...؟
لم اعرف ...ولكني في حيره الان, لم أتمالك نفسي وذهبت وأحضرت فنجاني ويدي حوله تستمد منه دفئها ..
وبصرت داخل غرفتي وأنا أوزع نظراتي داخلها فلم أجد شيئا غير ظلامها المكسور بمصباح صغير.
فوجدت نفسي وحيدا.....
وهمس إلي الليل وقال لي ما ذا فعلت فقولت لنفسي
لم افعل شيء سوي اشباع رغبتي في الإحساس بالدفيء بجوار نسمتها الباردة.
..ولكن ها هي تفضل ان تكون بعيدا عني في هذه اللحظة....
فنظرت إلي فنجاني ونظرت ومضيت انظر حتي عم الدفيء المكان ...فبدأت اشعر بشعور غريب .........
ما هذا الإحساس انه إحساس الدفئ ولكن دفئ من نوع قلما تجده انه دفئ المشاعر والأحاسيس.....
ولكنه غريب وبصرت نافذتي فرأيت المطر يتساقط ويخترق ذرات الهواء ....
فقولت لنفسي وانا مترقبا تساقط المطر...
تراه هل ذهبت صديقتي النسمة لترافق اصحابها في اسعاد ملا يين غيري..؟
وفي هذه اللحظه رأيت شيئ يقترب من نافذتي
ويقترب حتي بصرت نسمتي واصحابها يتلاعبون ويتمايلون علي جوانب نافذت
ي وكأنهم يقولون لي هنيا ًلك بالدفئ مع قطرات المطر ثم اشتد المطر تساقطا ً
وبداء يتلاشي كل شيء حتي نسمات البرد لم اعد أراها ولم يبقي غير المطر وقطراته
ثم غلقت نافذتي و رجعت الي فنجاني ورشفت منه فوجته قد سار باردا جدا جدا .
ثم شربته لانه كان رفيقي الوحيد الان..وتخيلت انه دافيء جدا وما كنت اقترب من اخر رشفه
صار بي زهني الي الذهاب الي النوم العميق.
.فذهبت الي سريري ووضعت فنجاني ارضاً وذهبت الي نوم عميق.... .

انا مش مصدق ...معقوله ديه فلسطين !!!!!! اه واه

فعلا هيه ديه فلسطين انتو مصدقين الي بيحصل ده .....!!
معقوله حماس وفتح والي بيعملهو في بعض ده........
يعني بيساعدو في خراب فلسطين بالسرعه دي
ايه الي بيحصل ده وانبي يا بشر........!!!؟؟
هيا ديه ارض الشهداء وارض احمد ياسين والرنتيسي وغيرهم
ولا الدره ودمه.....
ودم غيرو كثير من الشهداء معقوله الفلسطنيين مابئوش عايزين يشتشهدوا
خلاص بقي بيمووتو في بعض كده عيني عينك
الله يرحمك يا شيخ احمد ياسين
والحمد لله انو ماعشي للوقت ده ويشوف الي بيحصل ده علي ارض الشهداء
وكان يشوف الفلسطيني رافع سلاحه في وش اخوه الفلسطيني وهوا بيموتوا
والله انا حزين بجد للي بيحصل ده.................
والي مخليني باغلي وفارسني ان الصاهينه قاعدين ويتفرجو علي الي بيحصل ومتمزجين
وفرحانين علشان حرموكم من لقب شهــــــــــــــــــيد
اغلي واطهر لقب
وباعصاب بارده مستيين اما يخلصو علي بعض
وتفضلهم ارض فلسطين.....
اه واه يافلسطــــــــــــــــــــــــين
وقعتو في الفخ
ودخلوقو تفق نهايته سد
وانتو فاكرين طالعين من الناحيه التانيه
وياخساره مافيش ناحيه تانيه ولا نيله
بعدين هما يتصرفو فيكم براحتهم
بئيتو في ايديهم خلاص يافلسطنيين ياحلويين يالي بتموتو في بعض
والاخ بيرفع سلاح في وش اخوه مش مكسوفين بجد ......!!
معقوله نسيت اخوك الشهيد ولا ابوك في المعتقبل
ولا نسيت الانتفاضه ومئات الشهداء الي ضحوا من اجل تراب فلسطين العزيزه
وانتو جايين النهارده تقتلو في بعض ونسيتو ان في عدو صهيوني
لازم نقف مع بعض ونتحد
ونطهر الارض الكريمه
ارض اجدادنا وارض بيت المقدس والمسجد الاقصي
مش نقسم فلسطين حتت
حته لحماس وحته لفتح
وعلي ايه بتتخانئو علي الكرسي والسلطه
طيب هيا فين السلطه ديه بعد ما ماووتو في بعض
وخليتوها سلطه ..... خلاص خلاص
ومش عايز اقول راحت عليكي يافلســــطين
مكسوف من نفسي ........
وبعدين بدل ما كان الصاهينه بيواجهو فلسطين كلها متحده وايد واحده
تبقي سهل عليهم يواجهه حته حته
يارب مانكررش نفس الغلطه بتاعت زمان
اما بعنا اراضي فلسطين للصاهينه علشان الفلوس الي عمت عنينيا
ومانبعش ضميرنا ولا بمال الدنيا كلها
ارض فلسطيين اغلي من اي فلوس
اه والله اغلي من اي فلووووووووووووس
وفي الاخر
نقول كلنا يارب ينقذ فلسطين يارب من الفتنه والي حصل فيها

شط اسكندريه يا شط الهواااااا

شط اسكندريه يا شط الهواااا

شط اسكندريه يا شط الهواااا

تخيل كده تصحي الصبح بدري تشغل اغنيه فيروز العظيمه
شط اسكندريه يا شط الهواااااا
روحنا اسكندريه جمعنا الهوا
وتدخل المطبخ تعمل مج النسكافيه الجامد
وعقبال اما اللبن يسخن تروح تصحي وترخم
علي الي معاك في الشقه
وترجع المطبخ تاني وتكمل النسكافيه
وتروح علي البلكونه وتفتحها
وتحط النسكافيه علي السور
وبعدين تبص علي البحر
يمين وشمال وماتلاقيش ليه اخر
وتغمض عنيك وتسرح بقي
وبعد كده تفتكر ان انتا عامل نسكافيه
وتيجي تشربه تلاقيه متلج
تروح تعمل واحد تاني وانتا داخل علي المطبخ
تعدي علي الي لسه نايم برده وتقولو
اصحي بقي انا عملتلك نسكافيه جامد وتحطلوالي معاك البارد
وتروح علي المطبخ وتعمل نسكافيه جامد تاني
وتسمع بقي صوت بيقول
هوا ده النسكافيــــــه............. الجامد
وتروح عنده وانتا معاك النسكافيه الجامد وهوا بيطلع بخار
وتقولو ايه مالو النسكافيه وانتا بتشرب من الي معاك
يقوم بقي ويجري وراك وعايز ياخد النسكافيه منك
وتقولو خلاص هاعملك واحد تاني
يقولك خلاص ياعم مش عايز حاجه انا هاعمل انا
وتسيبو وتروح تاني البلكونه
وتفضل تبص علي منظر البحر والموجه
والكورنيش وجماله
تفتكر ان الاغنيه خلصت بتاعت فيروز
وتروح تشغلها تاني وترجع بقي تسنكنيص في البلكونه
وتفضل عينك علي البحر والكورنيش
بجد المنظر من فوق تحفه مع الاغنيه كمان حكايه
وبعد كده تطلب معاك نوم اصل الواحد كان ينام متاخر
ويصحي بدري يستكنيص وينام تاني
وطبعا الي معاك مش هيسيبك تنام تاني
نعملوا ايه......... نعملوا ايه
نتفرجو علي التلفاز
جامده نعملو ونتفرجو صح اصلي بحاول ابقي اسكندراني
وبعد كده نفكر بقي نروحو فين
كان فيه اماكن كتير قوي عايزين نروحوها
قولنا نكتبو كل الاماكن الي عايزين نروحها
في ورق صغير وكل واحد يختار يوم نروحو فيه حاجه منهم
انا كتبت الحاجات الي كناعايزين نروحوها
المينا الغربي بتاع السفن والفنار والقلعه وفندق سان استيفانو
وهوا كتب
المرسي ابو العباس والمكتبه والمنتزه وستانلي
المهم كل واحد اختار ورقه
المهم اختارنا انا اختارت الورقه الي فيها
المرسي والمكتبه والمينا والفنار وهوا الباقي
ورتبنا خلاص هانروحو فين
وقولنا فيه حاجات ممكن نروحوها
في يوم واحد يعني قريبين من بعض شويه
زي القلعه والمرسي
وستانلي وسان ستيفانو
المهم كان كل الكلام ده بعد الظهر
كل يوم نروحو حاجه ونرجعو علي اخر النهار
نفضلو ماشيين علي الكورنيش ناكلو بطاطة و دره ونشربو حمص
لحد اما الشمس تغرب والدنيا تليل شيويه
ننزيلو علي اي شط ونقعدو :) فيه شويه
والهيدفون في ودني
هيدفون يعني سماعه :)1
وتسمع بقي الست ام كلثوم وهيا بتبدع
علي حبه فيروزيات كمان
وبالنسبه للموبيلات اتقفلت طبعا
مش عايزين ازعاج من اي حد
وبعد اما ناخدو اعديتنا نطلعو تاني علي الكورنيش
نشوفولنا قهوه نقعدو فيها ساعه كده
نشربولنا كبايه شاي كده ولا حاجه
وبالمره نريحو شويه
وبعد كده نركبو حاجه تودينا ميامي
حيث نعسكر هناك في الطابق السادس
واحنا راكبين بقي نشوف بقي هناكل ايه
وايه الي هنجيبوه معانا واحنا طالعين
كنا بنجيب الاكل ونطلع بقي ناكل وبنكون
جعانين مووووت
من اليوم الطويل
في مره كده بقي طلبت معايا اعمل اكله من اختراعي
وعملتها وطلعت جامده مووووت والي عايز يعرفها
يقولي وانا هاقولو عاليهه
وكان فيه مشكله كانت معئدانا
الكبريـــــــــــــــــــــــــت
ايوه الكبريت مضرووووب في اسكندريه
كل اما نجيب كبريت مايولعش ويطلع عنينا علشان يولع
لدرجه اننا قولنا ممكن يكون الكبريت بتاع المنطقه كلو مضروووب
المهم شغلنا نفسنا بالولاعه وقولنا ربنا يستر
اصل بيقولو الولاعة خطر اما تولع بيها البوتاجاز
ماما كانت بتقول كده
و في مره كده كنا عند القلعه كان فيه بنتين بيحاولو يصورو
نفسهم بالموبيل من ابو كاميرا قدام
هما بيصوره وشايفين نفسهم في الشاشه
ومحتاسين ومش عارفين يصورو نفسهم
قولتلهم انا عندي فكره ممكن انا اصوركو
خدت الموبيل وليسا هاصور لاقيت نفسي في الصوره
هما كانو ظابتينو علي كده روحت مصور نفسي
ايه الرخامه ديه
وبعدين قولت ايه القمر ده
انا بتكلم انا بقول علي الصوره الي انا فيها
وهما افتكرو اني بقول عليهم
فقالولي طيب هت بقي الموبيل
روحت مديهم الموبيل وشافو الصوره
وهما قعدو يضحكو
وقولتيلهم هاتو خلاص هاصوركو بجد
وصورتهم كذا صوره بعد ماكانو
مش عارفين يتصورو صوره واحده
انا بقي عن نفسي صورت كذا صوره هناك عجبوني جدا
واقتربت ساعه العوده
عوده الي الدنيا الطبيعيه حيث الكليه والزهق
والاخبار الجميله الي عندنا وتكره نفسك
وتتعقد من الظلم الي بيحصل..و....و.0
يعني تقريبا تتلخص الحجات ديه في كلمه
مواطن مصري
يارب ماتخنئ ويجيلي اكتئاب تاني